ANOSACANTEIRA vai regresando paulatinamente aos adestramentos após o descanso estival.
Así, mañá mércores arrinca a pretemporada o Xuvenil A de Manuel Pablo despois de superar esta mañá as probas físicas e médicas.
Esta semana dispútanse os primeiros amigables, todos eles protagonizados polo Fabril de Segunda Federación.
O primeiro será mañá mércores 24 de xullo ás 20:00 no campo 4 de Abegondo ante o Silva SD de Tercera Federación.
Son baixa no conxunto de Óscar Gilsanz Mardones e Vilela, lesionados.
Como é habitual nestes primeiros partidos, o técnico fabrilista disporá dun once diferente en cada tempo.
O calendario de amigables desta semana en ANOSACANTEIRA é o seguinte:
Segunda Federación
FABRIL - SD SILVA, mañá mércores 24 de xullo ás 20:00 en Abegondo (campo 4)
XVIII Memorial Lisardo Campos, ATLÉTICO ARTEIXO - FABRIL, o sábado 27 de xullo ás 19:00 en Ponte dos Brozos