Un tanto en propia meta no minuto 27 condenou ao Fabril na súa visita ao CD Guijuelo (1-0), en partido correspondente á 14ª xornada no grupo 1º de Segunda Federación.
Con este resultado, o filial queda con 17 puntos na zona media da clasificación.
Óscar Gilsanz non puido contar cos lesionados Diego Gómez, Ángel Puerto, Álex Pereira e Quique Teijo; ademais dos fabrilistas que viaxaron co primeiro equipo: Mella, Martín Ochoa, Rubén e Kevin.
Jairo e Marc Lachèvre, que se adestraron tamén con Imanol Idiakez durante toda a semana, estiveron dispoñibles finalmente no Fabril. Ambos foron titulares.
Tamén xogou de inicio Carreira, un dos 4 xuvenís que levou Óscar Gilsanz a Guijuelo, ademais de Manu Berrocal, Samuel Fernández e Domínguez.
Durante a semana, o Fabril traballou no campo do Monte en San Tirso tamén de herba sintética como o Municipal Luis Ramos.
Óscar Gilsanz pediu en rolda de prensa aos seus futbolistas adaptarse rápido á superficie. E custou, posto que a primeira metade foi para o CD Guijuelo.
Os salmantinos, que esta temporada gañaran ante o seu público 4 partidos, empatado 1 e perdido tan só ante a SD Compostela, saíron lanzados a polo gol.
Alberto B. e Diego puideron anotar na primeira media hora, pero foi Brais Val o que involuntariamente adiantou aos locais cun pase atrás erróneo a Hugo Ríos que se coa na portería. Corría o minuto 27.
Após o paso polos vestiarios, o Fabril recompúxose e fíxose co mando do partido.
Os pupilos de Óscar Gilsanz atacaron de forma continua a meta de Rabanillo e puideron igualar con ocasións para Mati Castillo, Thymos e Álvaro Santamaría. Non houbo acerto no remate e o partido acabou con triunfo do CD Guijuelo.
Ademais da derrota, a outra mala noticia do partido protagonizouna Thymos. O atacante australiano relevou a Carreira no minuto 58 pero tivo que saír do campo 5 minutos máis tarde a consecuencia dunhas molestias nun xeonllo, pendente de avaliación médica nos próximos días.
O vindeiro domingo 10 de decembro ás 19:30 (Youtube RC Deportivo), o Fabril recibe en Abegondo ao Coruxo FC.
CD Guijuelo: J. Rabanillo, Iago Parga, Pica, Willy, Diego G. (Alonso, min. 82), Juan Antonio, Cristóbal Gil (Garbán, min. 63), Cedenilla, Asiel, Toti e Alberto B (Montes, min. 72).
Fabril: Hugo Ríos, Marc Lachèvre (Iñaki, min. 85), Somolinos, Brais Val, Iano Simão, Barba (Domínguez, min. 84), Jairo, Nájera, Vilán, Carreira (Thymos, min. 58 e Álvaro Santamaría, min. 63) e Mati Castillo.
Goles: 1-0 Brais Val en propia meta (min. 27)
Árbitro: Ignacio Bordóns Romero, do colexio madrileño. Amoestou a Pica (min. 66), Barba (min. 78) e Garbán (min. 89)
Incidencias: Partido correspondente á 14ª xornada no grupo 1º de Segunda Federación disputado no Municipal Luis Ramos de Guijuelo
