A xornada desta fin de semana en ANOSACANTEIRA feminina disputarase case na súa totalidade mañá domingo 17, posto que hoxe sábado só competiu o Orzán SD Cadete, líder da Liga Galega, en Valdoviño ante o Escuela FB Amistade (1-8).
Asi pois, mañá domingo celebraranse o resto de encontros salvo do Orzán SD Infantil B ante o CD As Pontes, que pasa ao venres 6 decembro ás 12:00 no Poboado.
Sobresae o partido do Dépor ABANCA B, 2º en Tercera Federación, ante o Lóstrego CF en Gondomar a partir das 11:00.
Óscar Orro non poderá contar con Michi Apóstol, Elena Vázquez e Martina Rivas, citadas co primeiro equipo para o partido en ABANCA-RIAZOR fronte ao RCD Espanyol.
As convocadas son as seguintes: Vázquez, Paula Novo, Noelia Mayo, Paula Monteagudo, Redru, Sara Cercido, Carmen Carballada, Laura Otero, Laura Santos, Anfal El Yamani e Yanis Citoula; ademais de Yaiza García, Iria Otero, Dunia Dahmouni e Ana Capelo, do Orzán SD Sub-21; e Antía Veiga, do Orzán SD Cadete.
En Primera Autonómica, o Orzán SD Sub-21 enfróntase en Iñás ao Atlético San Pedro. É baixa Claudia Sande, concentrada coa selección española sub-15 nun Torneo Desarrollo UEFA en Portugal.
Pola súa banda, o Orzán SD Xuvenil de Segunda Autonómica visita ao UD Juvenil de Almeiras en Os Loureiros ás 12:15.
Completa a xornada dominical o Orzán SD Infantil A ante o CF Batallador SD (9:30) en Elviña Pequeno.
O calendario de partidos, cos resultados dos xa xogados, é o seguinte:
Tercera Federación
11ª xornada: LÓSTREGO CF - DEPORTIVO ABANCA B, mañá domingo 17 de novembro ás 11:00 no campo da Gándara (Gondomar)
Primera Autonómica
10ª xornada: ATLÉTICO SAN PEDRO - ORZÁN SD SUB-21, mañá domingo 17 de novembro ás 16:00 no campo de Iñás
Segunda Autonómica
10ª xornada: UD JUVENIL DE ALMEIRAS - ORZÁN SD XUVENIL, mañá domingo 17 de novembro ás 12:15 en Os Loureiros (Almeiras)
Liga Galega cadete
7ª xornada: ESCUELA FB AMISTADE 1 - ORZÁN SD CADETE 8 (Antía Losada -2-, Ángela Cotelo -3-, Marta Moreno -2- e Carmen Couto)
Liga Galega infantil
7ª xornada: ORZÁN SD INFANTIL A - CF BATALLADOR SD, mañá domingo 17 de novembro ás 9:30 en Elviña Pequeno
7ª xornada: CD AS PONTES - ORZÁN SD INFANTIL B, o venres 6 de decembro ás 12:00 no Poboado (As Pontes)