A primeira semana da campaña de socios concluíu hoxe domingo 14 de xullo cun total de 11.499 renovacións!
Deles, 2.740 afeccionados adquiriron o seu abono para o Dépor ABANCA de Liga F e 2.533, para os partidos do HC Liceo.
A renovación de abonos é exclusivamente online na páxina rcdeportivo.es/abonos as 24 horas do día. Presencialmente atenderase na Oficina de Atención ao Deportivismo (OAD) do Estadio ABANCA-RIAZOR (avenida da Habana s/n, 15011 da Coruña), a aquelas persoas abonadas que non puideron realizar o trámite de maneira online ou por transferencia por algunha causa de forza maior.
As persoas abonadas da pasada temporada manterán a reserva do seu asento até o domingo 28 de xullo (por transferencia bancaria, até o venres 26 de xullo ás 13:00 horas e online até o domingo 28 de xullo até as 23:59 horas). A partir do luns 29 de xullo todas as localidades que non fosen renovadas serán liberadas para que os socios e socias poidan cambiar a súa localización ou asignar un novo asento. Os días de cambio de localidade e modalidade (de abono simpatizante a abono con localidade) serán do 30 de xullo ao 8 de agosto, exclusivamente para socios e socias da temporada pasada, sempre mediante cita previa en citaprevia.rcdeportivo.es
