A segunda semana da campaña de socios iniciouse hoxe luns 15 de xullo con case outras 1.000 renovacións, co que o Club suma un total de 12.452.
Deles, 2.917 afeccionados adquiriron o seu abono para o Dépor ABANCA de Liga F e 2.724, para os partidos do HC Liceo.
Debido ao alto volume de solicitudes de cambio de localidade ou modalidade, polo cal actualmente se atopan esgotadas todas as citas dispoñibles para este fin, o Club habilitará un portelo na Oficina de Atención ao Deportivismo (OAD) do Estadio ABANCA-RIAZOR (avenida da Habana s/n) para realizar cambios de forma presencial sen cita previa os días 5, 6, 7 e 8 de agosto, no seguinte horario: de 10.00 a 13.30 horas e de 16.30 a 19.00 horas.
A renovación de abonos é exclusivamente online na páxina rcdeportivo.es/abonos as 24 horas do día. Presencialmente atenderase na Oficina de Atención ao Deportivismo (OAD) do Estadio ABANCA-RIAZOR a aquelas persoas abonadas que non puideron realizar o trámite de maneira online ou por transferencia por algunha causa de forza maior.
As persoas abonadas da pasada temporada manterán a reserva do seu asento até o domingo 28 de xullo (por transferencia bancaria, até o venres 26 de xullo ás 13:00 horas e online até o domingo 28 de xullo até as 23:59 horas). A partir do luns 29 de xullo todas as localidades que non fosen renovadas serán liberadas para que os socios e socias poidan cambiar a súa localización ou asignar un novo asento. Os días de cambio de localidade e modalidade (de abono simpatizante a abono con localidade) serán do 30 de xullo ao 8 de agosto, exclusivamente para socios e socias da temporada pasada.