Ante as graves acusacións formuladas polo CD Eldense após o encontro disputado este sábado no estadio ABANCA-RIAZOR, o RC Deportivo nega categoricamente que tales feitos ocorresen nas súas instalacións. Non existe ningún fundamento que sustente estas acusacións, as cales o Club considera infundadas e completamente afastadas da realidade.
O RC Deportivo foi o primeiro en denunciar ante as autoridades policiais a suposta situación, e os protocolos de seguridade aplicados non confirman a veracidade dos feitos imputados polo CD Eldense.
O Club manifesta a súa profunda indignación ante estas acusacións. Nos 80 anos de historia do Estadio xamais ocorreu un incidente desta natureza.
O RC Deportivo está a colaborar coas autoridades competentes e vaise a asegurar que a investigación chegue até as súas últimas consecuencias, reservándose as actuacións xudiciais contra o CD Eldense ás que poida haber lugar.
