O RC Deportivo quere trasladar a toda a súa masa social (persoas accionistas, socias e afeccionadas) unha mensaxe de tranquilidade e confianza no proxecto do Club.
A solvencia e fortaleza da estrutura profesional do RC Deportivo permite que a entidade poida manter o seu normal funcionamento en todas as áreas e que non haxa ningún tipo de alteración no seu día a día, reafirmando a súa vocación de continuidade en todo canto funciona en condicións óptimas dentro do Deportivo.
O principal proxecto no que se está traballando actualmente é na creación do novo equipo que xestionará a área deportiva profesional do Club, un equipo que será presentado proximamente.
Ademais, o accionista maioritario do RC Deportivo trasladou ao Club que ratifica a súa posición a longo prazo respecto ao mesmo, descartando por completo a venda, por moitos interesados que poida haber, dentro da folla de ruta para esta centenaria entidade.
Por último, e por todo iso, desde o RC Deportivo queremos enviar a todo o Deportivismo unha mensaxe de tranquilidade, de estabilidade e de solvencia, solicitando se minimice o estado de preocupación ao redor da entidade, que non beneficia de ningún modo aos principais proxectos que agora mesmo están encima da mesa: a creación do equipo de xestión da área deportiva e a substitución do Consello de Administración.
Grazas a cada Deportivista por estar sempre detrás do Club e dos equipos, especialmente nestes momentos máis complexos para todos cantos formamos parte do Deportivismo.
