David Mella, do mesmo xeito que a deportivista Marina Artero en categoría feminina, tamén xogará a final do Campionato de Europa sub-19 ao derrotar este xoves en semifinais a Italia (0-1) cun gol de Pol Fortuny na primeira parte da prórroga.
O canteirán deportivista arrincou o choque ante os italianos no banco e saltou ao céspede no minuto 55 en substitución de Gerard Hernández.
A gran final xogarase o domingo 28 de xullo ás 20:00 horas contra Francia ou Ucraína.
No que vai de campionato, David Mella foi titular ante Dinamarca no primeiro partido do torneo; e saíu desde o banco nos outros 2 encontros da Primera Fase ante Turquía e Francia.
O calendario de partidos de España, cos resultados dos xa xogados, é o seguinte:
Martes 16 de xullo DINAMARCA 1 - ESPAÑA 2
Venres 19 de xullo TURQUÍA 1 - ESPAÑA 1
Luns 22 de xullo ESPAÑA 2 - FRANCIA 2
Xoves 25 de xullo Semifinal ITALIA 0 - ESPAÑA 1
Domingo 28 de xullo Final 20:00: ESPAÑA - FRANCIA ou UCRAÍNA