O Estadio ABANCA-RIAZOR vivirá este sábado 10 de agosto unha espectacular xornada con fútbol desde as 10:30 horas.
A esta hora, o Fabril FC Benxamín e o Victoria CF (metade do campo de lado de Pavillón) de benjamines, e o Ural Español CF e o Victoria CF (metade de campo ao lado de Marathón) de prebenxamíns pelexarán polo Trofeo Mini Teresa Herrera.
Ás 16:00 horas, Real Oviedo e Unionistas de Salamanca CF disputarán a final de consolación da LXXIX edición do Trofeo Teresa Herrera masculino.
Ao concluír, concretamente ás 18:30 horas e retransmitido en directo pola canle oficial de YouTube do RC Deportivo grazas a Auga de Parada, o Dépor ABANCA e o Athletic Club, un clásico do fútbol feminino nacional, protagonizarán a XII edición do Trofeo Teresa Herrera feminino.
E como fin de festa, o Dépor e o CD Leganés loitarán a partir das 21:00 pola 'Torre de Hércules' de categoría masculina. O encontro poderase seguir na canle oficial de YouTube do RC Deportivo e será a última cita da DéporXira Auga de Parada que comezase o pasado 23 de xullo ante o Ourense CF.
