Estrella Galicia quere mostrar unha vez máis o seu apoio decidido ao Dépor nestes decisivos momentos nos que se xoga o ascenso a Segunda División no playoff co lanzamento dunha edición especial de botellas que rende homenaxe ao equipo e á nosa afección. Baixo a lema “Érguete e Forza Dépor”, a cervexeira coruñesa quixo sumar un activo máis no esforzo colectivo cara ao desexado ascenso e mostrar así a súa vinculación co conxunto branquiazul.
Preto de 1 millón de botellas de Estrella Galicia vestidas coas cores do Dépor e as imaxes dalgúns dos xogadores máis emblemáticos chegarán nos próximos días aos establecementos de hostalaría da cidade e manteranse até fin de existencias.
Ademais, para completar a edición especial, incorporouse un código QR no collarín para acceder a unha landing page na que se sortearán abonos dobres para gozar do Deportivo na temporada 2023/2024.
A forte vinculación de Estrella Galicia co Dépor remóntase ao ano 1906, ano no que coincide a fundación de ambas as entidades na Coruña. Na actualidade, a cervexeira galega é un dos principais patrocinadores do club e desenvolve unha ampla variedade de iniciativas en apoio do equipo e dos seus afeccionados.
Por todo iso, Estrella Galicia súmase á ilusión de toda a afección deportivista para animar ao equipo no seu soño de ascender a Segunda División e o visibiliza nesta ocasión a través do lanzamento desta edición especial de botellas.
