Helton Brant Aleixo Leite (Belo Horizante, Brasil, 2 de novembro de 1990), coñecido como Helton Leite, completa a portería do RC Deportivo.
O porteiro brasileiro firma para as 2 próximas temporadas e procede do Antalyaspor turco, onde a campaña pasada na Süper Lig (Primeira División) disputou 34 partidos, con 7 porterías a cero; ademais de 1 partido na Copa de Turquía.
Helton Leite formouse nas categorías inferiores dos clubs brasileiros do America Futebol Clube, Goiás Esporte Clube e Grêmio antes de saltar ao fútbol profesional do seu país vestindo a camiseta do Boa EC, SC Corinthians Paranaense, Ipatinga FC, Betim EC, Criciúma EC, Botafogo e Sao Caetano.
En 2018 chegou ao fútbol portugués, concretamente ao Boavista antes de pasar ao Benfica SL en 2020.
Na máxima categoría de Portugal participou en 58 partidos con 23 porterías a cero.
A experiencia do novo gardameta branquiazul complétase con 4 partidos xogados na Europa League co Benfica SL e 2 encontros de Copa Libertadores vestindo a camiseta do Botafogo brasileiro.
