Hugo Ríos Coto (Ordes, A Coruña, 15 de agosto de 2003) amplía o seu contrato até xuño de 2027.
Este porteiro, que chegou ao Dépor con 8 anos ao seu primeiro ano de benxamín e, por conseguinte, pasou por todas as categorías inferiores branquiazuis, foi campión de España co Xuvenil A e membro do cadro da histórica Youth League que asombrou a Europa.
Campión de Tercera Federación co Fabril (2022-23), a campaña pasada en Segunda Federación disputou un total de 17 partidos, dos cales 2 acabou coa portería a cero.
Desta forma, o Fabril de Óscar Gilsanz vai collendo forma de cara a esta nova campaña en Segunda Federación coas fichaxes xa confirmadas de Aarón Sánchez, Jaime Garrido, Dylan Iglesias e Íker Vidal; e as renovacións de futbolistas como Álvaro Mardones, David Domínguez, Rubén Vilela, Carreira, Álex Pereira e Hugo Ríos.
