O Dépor baixou hoxe sábado a intensidade do adestramento a 2 días de recibir á SD Eibar en choque previsto para este luns 11 de novembro ás 20:30 en ABANCA-RIAZOR (LaLiga TV Hypermotion).
En rolda de prensa esta mesma mañá, Óscar Gilsanz asegura que o cadro está "ben, preparado para outra competición despois dunha semana longa por xogar o sábado (2 de novembro en Cartagena) e agora luns".
O técnico branquiazul ve aos seus futbolistas "ben animicamente. As vitorias sempre axudan e nese caso o cadro está preparado para o partido".
Esta mañá os futbolistas tiveron tarefas de recuperación entre o ximnasio e a sala de fisioterapia.
Iso si, un grupo de xogadores saltou ao céspede do campo 2 para uns rondos e un exercicio de finalizacións.
Están con traballo personalizado Jaime, Ximo Navarro, Jose Ángel e Mfulu; mentres que o xuvenil Samuel foi o representante de ANOSACANTEIRA.
Mañá domingo Os Nosos adestraranse a partir das 11:00 en Abegondo.
