Michi Apóstol está concentrada coa selección venezolana sub-20 en Austria desde o pasado luns 8 de xullo ao martes 16 de xullo.
A futbolista branquiazul preparará na cidade de Wiener Neustadt a Copa Mundial Feminina Sub-20 da FIFA Colombia 2024, á que Venezuela se clasificou no pasado Campionato Suramericano do mes de abril e maio en Ecuador.
Durante este período en Austria están previstos dous amigables para a 'Vinotinto', o primeiro mañá venres ás 17:00 fronte a Marrocos.
O calendario de partidos de Venezuela é o seguinte:
Venres 12 de xullo
17:00: VENEZUELA - MARROCOS, no estadio Weikersdorf
Luns 15 de xullo
17:00: VENEZUELA - SLOVAN BRATISLAVA, no estadio Wiener Neustadt
