Desde hoxe martes 13 de agosto o RC Deportivo ponse en contacto vía correo electrónico coas primeiras 500 persoas da lista de espera para que poidan darse de alta como abonados de cara a esta temporada, até un tope total de 27.500 abonados con asento.
As persoas convocadas poden darse de alta de maneira online, máis cómoda e por exemplo desde o propio domicilio; ou ben presencialmente na Oficina de Atención ao Deportivismo (OAD) do Estadio ABANCA-RIAZOR na Avenida da Habana s/n con este horario hoxe martes, mañá mércores e o venres 16: de 10:00 a 13:30 e de 16:30 a 19:00.
O Club lembra aos afeccionados que están nesta lista de espera que se acheguen a OAD só se recibiron o aviso do Club.
