O Dépor abrillanta o lateral esquerdo coa fichaxe de Sergio Escudero Palomo (Santovenia de Pisuerga, Valladolid, 2 de setembro de 1989), coñecido como Escudero, para as próximas 2 temporadas.
O novo defensor deportivista convértese no futbolista con mellor currículo cun total de 2 títulos de Europa League, 1 Copa de Alemaña e 1 Supercopa de Alemaña.
Formado nas categorías inferiores do Real Murcia, a súa dilatada carreira profesional levouno polo Schalke 04 alemán e os clubs españois de Getafe CF, Sevilla FC, Granada CF e Real Valladolid, onde militou a pasada temporada na que logrou o ascenso a LaLiga EA Sports como un dos capitáns.
En total, Escudero disputou 218 partidos en LaLiga EA Sports con 11 goles e 12 asistencias; 61 partidos en LaLiga Hypermotion con 4 goles e 3 asistencias; 25 partidos na UEFA Champions League con 1 gol e 3 asistencias; 21 partidos de UEFA Europa League con 1 asistencia; 12 partidos na Bundesliga; ademais de 2 partidos da Supercopa de España, 1 da Supercopa de Europa e 1 da Supercopa de Alemaña.