A Dirección Deportiva xa prepara o calendario de partidos da próxima pretemporada.
A primeira cita xa confirmada para Os Nosos este verán será o vindeiro martes 23 de xullo ás 20:00 horas no campo do Couto ante o Ourense CF, campión do grupo 1º de Segunda Federación por diante do Pontevedra CF e do Zamora CF; e por tanto novo equipo de Primera Federación.
O encontro será a primeira edición do Memorial Miguel Ángel e servirá para render tributo ao que fóra gardameta da Asociación Deportiva Couto, CD Castellón e Real Madrid CF; falecido o pasado mes de febreiro.
O Dépor arrincará a pretemporada o próximo 8 de xullo con probas médicas aos futbolistas e iniciará os adestramentos o día 10.
