ANOSACANTEIRA vai regresando paulatinamente aos adestramentos após o descanso estival.
Así, o pasado mércores arrincaron a pretemporada o Dépor ABANCA B, subcampión de Tercera Federación FutFem; e o Xuvenil A de Manuel Pablo (na foto da noticia), vixente campión da División de Honra.
Esta semana dispútanse os primeiros amigables, todos eles protagonizados polo Fabril de Segunda Federación, xa en marcha desde hai varios días.
Este sábado 27 de xullo o conxunto de Óscar Gilsanz visita ao Atlético Arteixo en Ponte dos Brozos coa XVIII edición do Memorial Lisardo Campos en xogo.
Causan baixa Mardones, Vilela, Dylan e Pablo Parada, todos eles por problemas físicos.
A entrada para o público custa 5 euros, segundo informa o club arteixán.
O Fabril estreouse o mércores 24 de xullo no campo 4 de Abegondo ante o Silva SD de Tercera Federación. Como é habitual a estas alturas do verán, o técnico fabrilista dispuxo dun once diferente en cada tempo nun encontro saldado con vitoria fabrilista (1-0) cun gol de Jaime Garrido.
O calendario de amigables desta semana en ANOSACANTEIRA, cos resultados dos xa xogados, é o seguinte:
Segunda Federación
Mércores 24 de xullo: FABRIL 1 (Jaime Garrido) - SD SILVA 0
XVIII Memorial Lisardo Campos: ATLÉTICO ARTEIXO - FABRIL, este sábado 27 de xullo ás 19:00 en Ponte dos Brozos (Arteixo)