O Fabril, con inercia positiva despois dun empate hai 15 días co poderoso Zamora CF e unha vitoria sobre o equipo revelación, o Racing Villalbés, hai unha semana, rabuñou un punto (2-2) na súa visita á histórica Gimnástica de Torrelavega, un dos equipos con máis tradición na categoría.
Óscar Gilsanz recuperou para o encontro aos centrais que estaban lesionados, Puerto e Somolinos; ademais de Diego Gómez, un dos principais asistentes da categoría. Precisamente Puerto e Diego Gómez foron titulares xa no terreo de xogo cántabro.
Iso si, con Mella lesionado no recto anterior da súa perna dereita após o seu partido en Copa del Rey do pasado mércores, Jairo, Martín Ochoa e Rubén, citados por Imanol Idiakez para viaxar a Irún, non estiveron co filial.
Pola súa banda, a RS Gimnástica de Torrelavega chegaba ao partido despois de caer en Ourense (2-1) a pasada fin de semana.
No seu campo na presente liga anteriormente empatou co Real Oviedo Vetusta (1-1); e caeu co Rayo Cantabria (0-3), a Arandina CF (1-2) e a SD Compostela (3-4).
Así pois, o conxunto cántabro saíu decidido a lograr a primeira vitoria da temporada ante a súa afección, tal e como subliñou o seu técnico na rolda de prensa previa.
Así, Varo puido marcar ao minuto de xogo após cabecear un saque de esquina.
Pouco despois, aos 4 minutos, Saúl rematou demasiado alto. Rasines, Basurto e Javi Delgado, pichichi do grupo, continuaron levando perigo á área fabrilista, que apenas se achegaba á meta do gardameta local Dani Sotres.
A primeira parte concluíu co gol de Tobar no desconto, un tanto que puña costa arriba o partido para o filial deportivista.
Após o paso polos vestiarios Óscar Gilsanz axustou ao seu equipo, que saíu moito mellor ao céspede do Malecón.
Diego Gómez logrou a igualada no minuto 61 desde o punto de penalti despois dunha pena máxima cometida sobre el mesmo e que os cántabros protestaron ao considerala fose da área. O futbolista ourensán non fallou no seu regreso ao equipo despois de varias semanas lesionado.
Con todo a Gimnástica logrou de novo adiantarse no marcador pouco despois grazas a Javi Delgado. Este tanto supuxo un xerro de auga fría posto que chegou quizais nos mellores minutos do Fabril no partido.
Pero os fabrilistas non baixaron os brazos. Óscar Gilsanz lanza ao seu equipo á área cántabra coa entrada de Thymos e Kevin. Foi precisamente o australiano o autor do gol do empate cun disparo cruzado desde a frontal da área. Corría o minuto 76.
A partir de aí o Fabril, axudado coa saída de Carletto e Álvaro Santamaría ao campo, tratou e logrou maniatar ao rival para sumar un novo punto na clasificación.
O Fabril acaba a xornada con 14 puntos, situado na 7ª praza da táboa.
RS Gimnástica de Torrelavega: Dani Sotres, Rasines, Varo Á, Alberto Gómez (Lavsamba, min. 68), Josemi C., Tobar (Unai, min. 72), Basurto, Saúl, M. Gándara, Javi Delgado e Puras.
Fabril: Brais Suárez, Marc Lachèvre, Álex Pereira, Puerto, Brais Val, Nájera (Carletto, min. 86), Diego Gómez (Iñaki, min. 78), Barba (Thymos, min. 67), Vilán (Álvaro Santamaria, min. 86), Iano Simão e Mati Castillo (Kevin, min. 67).
Goles: 1-0 Tobar (min. 45+1); 1-1 Diego Gómez (min. 61); 2-1 Javi Delgado (min. 66); 2-2 Thymos (min. 76)
Árbitro: Sergio Fontecha Márquez, do Comité Vasco. Amoestou a Varo (min. 27), Josemi C (min. 70), Unai (min. 79), Iñaki (min. 82), Iano Simão (min. 87) e Rasines (min. 90+1); ademais de Gonzalo Bustamante, asistente da Gimnástica (min. 82)
Incidencias: Partido correspondente á 10ª xornada disputada no campo do Malecón en Torrelavega