Óscar Gilsanz manifestou na sala de prensa de Abegondo que neste reto do Fabril "con este novo ciclo de moitos xogadores novos, outros que veñen do Xuvenil A, doutras canteiras é ir formando pero á vez ir competindo porque a xente que nos segue quere ver boa imaxe, bo fútbol, quere ver que o equipo compite, que os xogadores están o máis preto posible do primeiro equipo. E iso conséguese xogando ben ao fútbol e competindo cada domingo".
Nesta liña, insiste en que Ismael Arilla, novo Director de #ANOSACANTEIRA, "pídenos formar xogadores. É certo que a competición forma parte da formación pero pídenos sobre todo que cando Imanol Idiakez mire para o filial teña xogadores que poidan axudar e que eses xogadores cumpran a función para a que se crea un filial que é a de achegar aos futbolistas ao primeiro equipo".
Ve nesta Segunda Federación da que levan 2 partidos "moita igualdade. Xa o había o ano pasado tamén. Cada vez o fútbol está máis igualado, cada vez os equipos están mellor preparados, os futbolistas son máis profesionais, adestran mellor, todas as posibilidades chegan a todos os equipos co cal a igualdade é a tónica común todos os anos".
Así pois, o técnico fabrilista lembra que "no fútbol de hoxe en día hai que estar sempre no partido, os que estás mellor, os que estás peor porque é moi importante ser capaz de competir e de sobreporche ao rival mesmo cando non estás dentro do partido ou dentro da competición".
Destacou da SD Compostela, rival este sábado 14 de setembro ás 20:00 horas (YouTube RC Deportivo) en ABANCA-RIAZOR, que é un equipo "con moita personalidade, nesta temporada un equipo moi reconocible, cunha presión alta moi intensa, con capacidade para ter balón e para atacar con xogo máis directo".
Advirte que ten "unha capacidade competitiva moi alta. En Pontevedra houbo momentos do partido que foi superior. É un equipo moi ben traballado cos seus adestradores. Espero un partido difícil ante un rival moi ben traballado".
Finalmente Óscar Gilsanz cre que o Compos é "un dos clubs importantes por historia, por afección, pola profesionalidade que teñen. É un equipo que vai estar arriba e vai pelexar por ese play off".
