Óscar Gilsanz subliñou esta mañá na sala de prensa de Abegondo que "o balance do 2024 é moi positivo para o Club polo ascenso. Unha primeira pedra importantísima que nos estaba custando pór. Iso é o máis importante".
Do CD Mirandés, rival mañá domingo 22 de decembro ás 21:00 horas en ABANCA-RIAZOR (LaLiga TV Hypermotion), o técnico deportivista lembra que vén "un equipo que vai terceiro. Ninguén vai terceiro por casualidade. Encaixa moi pouco, defende moi ben, agresivo cando vai á presión, estrutúrase moi ben nese 5-3-2 ou 5-2-3 que vai alternando no partido dependendo das necesidades co cal é capaz de defender de maneira efectiva preto da súa portería como metendo a Reina máis alto e apertando arriba no inicio do xogo do rival".
Vaticina un partido "de alternativas no xogo e diferente en canto ao ritmo, ese ida e volta que houbo no partido contra o CD Castellón; porque o CD Mirandés non propón ese tipo de partidos tampouco".
Óscar Gilsanz pide aos seus futbolistas saír "fortes. É moi importante como salgamos ao partido, os primeiros minutos. Temos que sentir desde o inicio a calor de #ANOSAFORZA, de #ANOSACASA. A clave pasa por aí".