A poucas horas de estrearse como adestrador do Dépor en ABANCA-RIAZOR, este luns 11 de novembro ás 20:30 horas ante a SD Eibar (LaLiga TV Hypermotion), Óscar Gilsanz admite que "loxicamente as estreas sempre teñen algo especial pero como dixen a semana pasada o foco non debe estar no adestrador, non debe estar en se é o seu primeiro partido ou se houbo máis. O foco debe estar no equipo, na intención que temos de que o Dépor se faga forte en casa, na intención que temos e estamos nese proceso de facer que o equipo e esa comuñón entre equipo e #ANOSAFORZA maniféstese nos partidos e no resultado".
Así pois, sitúa o foco en "ser capaces de que ABANCA-RIAZOR sexa un campo difícil para o rival cada vez que nos visiten".
Precisamente da SD Eibar opina que "é un equipo moi competitivo, que exerce unha unha presión alta e un ritmo moi alto na presión, tenta xogar a través de transicións cando tenta roubar e atacar rápido. Debemos de estar seguros con balón, non facilitar ese plan de partido que adoita ter a SD Eibar".
Sostén ademais que "é un equipo moi directo, con moitos centros laterais, con xogadores na última liña con moi boa chegada, con moi boa capacidade para o desmarque en área; e temos que estar moi atentos a esas situacións e tentar impornos a través do balón e a través do xogo colectivo. Non teño ningunha dúbida de que o equipo vai responder nesa situación".
Do partido do pasado sábado en Cartaxena resalta que "cando con 0-3 encaixas un gol é normal que o rival aperte un pouco máis, meta máis xente de ataque en área contraria, co cal dificulta un pouco máis esa defensa de centros laterais. O equipo fíxoo moi ben, defendeu ben, un pouquiño máis replegado. Coincidiu cun pouquiño máis de cansazo nese momento. Foi moi importante a achega da xente que saíu de desde fóra para ser capaz de que nese momento saber xogar eses mini partidos que che obrigan a durante 10, 12, 15 minutos estar en campo propio e defender as cometidas dun rival que ten unha opción de meterse no partido. Resolvémolo ben e nese camiño debemos de seguir mellorando loxicamente".
Subliña que "o camiño é ese, saber disputar eses mini partidos que hai ao longo dun partido".
De novo con futbolistas como Dani Barcia, Yeremay ou Mella que xa tivo ás súas ordes desde xuvenís, Óscar Gilsanz asegurou que "é unha mostra máis que palpable da aposta que leva facendo o Club durante os últimos anos pola canteira e, sobre todo, de como está a responder #ANOSACANTEIRA a esa aposta".
Sente "satisfacción porque vemos que tanto o club manifesta esa aposta os mozos responderon, están a responder e seguirán respondendo".
