O cadro do Deportivo, dividida en 2 grupos, pasará luns 8 e martes 9 en Abegondo e no Hospital Quirónsalud A Coruña as protocolarias probas médicas e físicas antes de arrincar a pretemporada o vindeiro mércores 10 na Cidade Deportiva.
Os futbolistas citados son os seguintes: Eric Puerto, Germán, Alberto, Diego Gómez, Rubén, Nájera, Kevin Sánchez, Martín Ochoa, Pablo Muñoz, Iano Simao, Dani Barcia, Berto Cayarga, Davo, Pablo Vázquez, Jaime, Pablo Martínez, Ximo, Lucas, Villares, Mario Soriano, Hugo Rama, Yeremay, Barbero, Jose Ángel e Alcaina.
David Mella atópase concentrado coa selección española sub-19 preparando a Fase Final do Campionato de Europa da categoría.
O Dépor arrincará a temporada en LaLiga Hypermotion ante o Real Oviedo o sábado 17 de agosto ás 19:00 horas en ABANCA-RIAZOR, en partido retransmitido por LaLiga TV e Movistar +.
Antes, está confirmado este calendario de amigables de pretemporada:
Martes 23 de xullo
20:00: Ourense CF - Deportivo, no Couto
Martes 30 de xullo
19:30 (hora local, 20:30 hora galega): FC Famalicão - Deportivo, no Estádio Municipal Vila Nova de Famalicão
Mércores 31 de xullo
19:30 (hora local, 20:30 hora galega): Gil Vicente - Deportivo, no Estádio Cidade de Barcelos
Sábado 3 de agosto
19:00 (hora local, 20:00 hora galega): GD Chaves - Deportivo, no Estadio Municipal de Chaves
Venres 9 de agosto
20:30: Semifinal do LXXIX Trofeo Teresa Herrera, en ABANCA-RIAZOR
Sábado 10 de agosto
Terceiro e cuarto posto (16:00) ou gran final (21:00 horas) do LXXIX Trofeo Teresa Herrera, en ABANCA-RIAZOR
