ANOSACANTEIRA vai regresando paulatinamente aos adestramentos após o descanso estival.
Así, o pasado mércores arrincaron a pretemporada o Dépor ABANCA B, subcampión de Tercera Federación FutFem; e o Xuvenil A de Manuel Pablo, vixente campión da División de Honra.
Esta semana disputáronse os primeiros amigables, todos eles protagonizados polo Fabril de Segunda Federación, xa en marcha desde hai varios días.
Este sábado 27 de xullo o conxunto de Óscar Gilsanz visitou ao Atlético Arteixo en Ponte dos Brozos coa XVIII edición do Memorial Lisardo Campos en xogo.
Foron baixa Mardones, Vilela, Dylan e Pablo Parada, todos eles por problemas físicos.
Venceron os fabrilistas (0-3), con tantos de Noé, Rubén Fernández e Domínguez. Do mesmo xeito que o pasado mércores, Óscar Gilsanz dispuxo un once distinto en cada tempo.
Ese mércores 24 de xullo o Fabril estreouse con vitoria (1-0) no campo 4 de Abegondo ante o Silva SD de Tercera Federación. Jaime Garrido foi o autor do único tanto.
Os resultados dos amigables desta semana foron os seguintes:
Segunda Federación
Mércores 24 de xullo: FABRIL 1 (Jaime Garrido) - SD SILVA 0
XVIII Memorial Lisardo Campos: ATLÉTICO ARTEIXO 0 - FABRIL 3 (Noé, Rubén Fernández e Domínguez)
