O encontro do Dépor ABANCA B ante o Bergantiños CF esta tarde foi o partido máis destacado en ANOSACANTEIRA.
Os 3 puntos quedaron en Abegondo após un choque de clara cor branquiazul (12-0) e con Anfal El Yamani como protagonista ao anotar 6 goles.
O filial marcha 2º na táboa da Tercera Federación con 24 puntos por 27 do líder, o Olímpico de León.
Tivo minutos Elena Vázquez, subcampioa do mundo sub-17 no Mundial recentemente disputado na República Dominicana.
Así mesmo na Torre, o Orzán SD Sub-21 (na foto principal da noticia) venceu ao Atlético Arousana (7-0) e o Orzán SD Xuvenil (na foto inferior) á SD Tordoia (2-1).
Completou a xornada dominical o choque do Orzán SD Infantil B (na foto ao pé do texto) no campo Víctor Fernández Alonso (antiga Leyma) correspondente á Liga Galega ante o CF Batallador SD.
Caeron as orzanistas (6-4) após un espectacular encontro.
A xornada da fin de semana abrírona onte sábado 9 dúas vitorias: a do Orzán SD Cadete ante o SCD Pastoriza (10-0) e a do Orzán SD Infantil A ante o Silva SD (1-10).
ANOSACANTEIRA celebra as convocatorias de Antía Veiga para uns adestramentos coa selección española sub-16 e de Claudia Sande para un Torneo Desarrollo UEFA coa sub-15.
Ademais, as orzanistas Claudia Sande, Daniela Macedo, Martina Santamarina e Sofía Rodríguez participaron o pasado mércores nuns adestramentos coa selección galega sub-16 no Novo Municipal da Estrada.
Os resultados da fin de semana foron os seguintes:
Terceira Federación
10ª xornada: DEPORTIVO ABANCA B 12 (Anfal El Yamani -6-, Noe Mayo, Paula Novo -2-, Dunia Dahmouni -2- e Ana Capelo) - BERGANTIÑOS CF 0
Primera Autonómica
9ª xornada: ORZÁN SD SUB-21 7 (Daniela Macedo -4-, Sofía Rodríguez, Ivana Fernández e Claudia Sande) - ATLÉTICO AROUSANA 0
Segunda Autonómica
9ª xornada: ORZÁN SD XUVENIL 2 (Sofía Milhem e Marta Moreno) - SD TORDOIA 1
Liga Galega cadete
6ª xornada: ORZÁN SD CADETE 10 (Marta Moreno -3-, Naiara Fontenla -3-, Ángela Cotelo -2-, Carmen Couto e Martina Vázquez) - SCD PASTORIZA 0
Liga Galega infantil
6ª xornada: SILVA SD 1 - ORZÁN SD INFANTIL A 10 (Telma García -2-, Alba García -3-, Helen Vega -2-, Carolina Lago, María López-Perales e Lara Vázquez)
6ª xornada: CF BATALLADOR SD 6 - ORZÁN SD INFANTIL B 4 (Nerea Cruz, Amanda Ocampo e Blanca Suárez -2-)
