Joaquín Navarro Jiménez (Guadahortuna, Selecta, 23 de xaneiro de 1990), coñecido futbolísticamente como Ximo Navarro, seguirá no Dépor até xuño de 2025.
Este futbolista, que pode actuar en todos os postos da defensa, cumprirá así a súa segunda temporada en ABANCA-RIAZOR após chegar á Coruña en agosto de 2023.
Coa camiseta branquiazul disputou no grupo 1º de Primera Federación 23 partidos de liga, 20 deles como titular; e deu unha asistencia de gol. Ademais participou de inicio nun partido de Copa del Rey, en primeira rolda, en Langreo ante o CD Covadonga.
Ximo Navarro chegou ao Dépor procedente da Fortuna Sittard da Primera División de Países Baixos (Eredivise), co que xogou 15 partidos.
Formado na canteira do Real Mallorca, atesoura unha ampla experiencia no fútbol español. Así, disputou 177 partidos e anotou 3 goles en Primera División desde a temporada 2012-13 defendendo as cores do Real Mallorca (15 encontros), UD Almería (28), UD Las Palmas (31) e Deportivo Alavés (103 partidos desde a campaña 2018-19 á 2021-22).
En Segunda División tamén foi un dos habituais, cun total de 128 encontros xogados e 4 goles entre o Recreativo de Huelva (12 partidos), Córdoba CF (17 partidos), RCD Mallorca (38 partidos) e UD Almería (61 partidos).
