Dylan Iglesias Macià (Valencia, 25 de xuño de 2003), coñecido como Dylan Iglesias, achegará pólvora en ataque para o Fabril durante as dúas próximas temporadas.
Este extremo que se formou na Torre Levante CF de Valencia pasou polos clubs modestos do UD Benigànim e CD Acero antes de recalar a campaña pasada no UD Alzira no grupo 3º de Segunda Federación.
Alí, participou nun total de 29 partidos, con 3 goles e 1 asistencia.
Desta forma, o Fabril de Óscar Gilsanz vai collendo forma de cara a esta nova campaña en Segunda Federación coas fichaxes xa confirmadas de Aarón Sánchez, Jaime Garrido e Dylan Iglesias; e as renovacións de futbolistas da canteira como Álvaro Mardones, David Domínguez, Rubén Vilela ou Carreira.
