A Biblioteca Municipal Roberto Blanco Torres de Cuntis acolleu o luns 17 de xuño a presentación do DéporCampus Cabreiroá que terá lugar na devandita localidade pontevedresa.
O acto contou coa participación de Manuel Campos, alcalde de Cuntis; Conchy Campos, concelleira de Cuntis; Fran Fontenla, presidente do Atlético Cuntis CF; Javier Gestoso, directivo do Atlético Cuntis CF; Vanesa Fuentes, representante de Termas de Cuntis; Alejandro Vidal, responsable de área social do RC Deportivo, e Sergio Maurente, coordinador de programa local da Fundación RC Deportivo.
A actividade, que cumpre a súa sexta edición xa que aínda que se estreou en 2018 non tivo lugar en 2020 debido á pandemia de COVID-19, terá lugar entre os días 15 e 19 de xullo, en horario de 10:00 a 14:00. O campo de fútbol de Cuntis será o escenario dun campus destinado a nenos e nenas de entre 6 e 14 anos.
Os interesados poden consultar toda a información da sede de Cuntis e realizar o proceso de inscrición até as 14:00 do martes 9 de xullo nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
