Para os compromisos ligueiros en ABANCA-RIAZOR do Dépor ABANCA este domingo 10 de novembro ás 12:00 ante a Real Sociedad e do Dépor o luns 11 de novembro ás 20:30 ante a SD Eibar, o RC Deportivo consignará "O Día DÉ..." a Institucións Solidarias. Por medio desta proposta, destinaranse 24 prazas do Palco de Honra do Estadio a integrantes de organismos como Banco de Alimentos, Cruz Vermella, Afundación, Cocina Económica, Padre Rubinos, Club de Leones A Coruña e Torre de Hércules.
En cada partido en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
