Óscar Gilsanz compareceu esta mañá na sala de prensa de Abegondo como previa do seu encontro fronte ao Rayo Cantabria previsto para mañá sábado 26 de outubro ás 12:00 en Astillero. Após a súa recente vitoria fronte ao Escobedo, o míster do Fabril asegura que "a semana foi máis fácil de levar" e engade que "sempre é bo gañar para coller confianza".
O técnico fabrilista confirma que expuxo o partido "en base ás calidades dos nosos xogadores e dos seus", máis aló de que sexa outro filial. Afirma que "a utilización da posesión e tratar de que o rival non estea cómodo con balón" poden ser factores craves para obter a vitoria.
Conclúe a súa comparecencia pública encomiando a progresión do equipo tanto en conxunto como a nivel individual, asegurando que "temos moita marxe de mellora, pero estamos moi satisfeitos co traballo".
