Dous partidos xóganse mañá domingo 10 de novembro en ANOSACANTEIRA.
En Segunda Federación, o Fabril de Manuel Pablo, substituto de Óscar Gilsanz, visita (12:00) a un Real Avilés Industrial empolicado á zona nobre de Segunda Federación e moi forte no seu estadio, cun balance de 4 vitorias e 1 derrota.
Os fabrilistas acumulan 3 vitorias consecutivas ante UM Escobedo (4-0), Rayo Cantabria (1-2) e CD Guijuelo (1-0).
Causan baixa por lesión Álex Pereira; Mardones; Quique Teijo; e os xuvenís Pablo García, cunha escordadura acromioclavicular producido nada máis arrincar o encontro ante os salmantinos; e Noé, cunha lesión muscular nun bíceps femoral.
Completan a convocatoria o xuvenís Guerrero e Mario Hermo. Pola súa banda, Samu queda co primeiro equipo.
O outro encontro da xornada é o do Xuvenil B, que se mide en Abegondo, tamén ás 12:00, ao Coruxo FC.
A xornada desta semana estivo marcada por #ONOSODERBI na División de Honra cadete e infantil hoxe sábado 9. Deportivistas e célticos chegaban a esta cita igualados a puntos na cabeza da clasificación.
En cadetes o partido foi para os celestes en Vigo (5-3) mentres que en infantís o choque foi para os branquiazuis en Abegondo (4-3).
Pola súa banda, o Xuvenil A, con Miguel Figueira ao mando en substitución de Manuel Pablo, retomou a liga despois do parón da pasada fin de semana con derrota pola mínima (2-1) ante o CD Choco en Redondela.
A pesar desta derrota, os branquiazuis seguen á fronte da División de Honra.
Ademais dos alevíns e benxamíns na Torre na 3ª xornada da Primera A Coruña de fútbol 8, o San Tirso SD Cadete perdeu no último minuto no Monte co Arosa SC (2-3) e o San Tirso SD Infantil impúxose (2-4) no campo Manuel Jiménez Abalo ao Arosa SC.
O calendario de partidos, cos resultados dos xa xogados, é o seguinte:
Segunda Federación
11ª xornada: REAL AVILÉS INDUSTRIAL - FABRIL, mañá domingo 10 de novembro ás 12:00 no Estadio Román Suárez Puerta
Categoría xuvenil
División de Honra, 10ª xornada: CD CHOCO 2 - XUVENIL A 1 (Álvaro)
Liga Nacional, 10ª xornada: XUVENIL B - CORUXO FC, mañá domingo 10 de novembro ás 12:00 en Abegondo
Categoría cadete
División de Honra, 9ª xornada: RC CELTA 5 - CADETE 3 (Gael -2- e Sergio Míguez)
División de Honra, 9ª xornada: SAN TIRSO SD CADETE 2 (Nikolay e Nico Giovanni) - AROSA SC 3
Categoría infantil
División de Honra, 8ª xornada: INFANTIL 4 (Thiago Montes -2-, Antón Vilariño e Hugo Caridad) - RC CELTA 3
División de Honra, 8ª xornada: AROSA SC 2 - SAN TIRSO SD INFANTIL 4 (Carlos Crespo -2-, Hugo Macedo e Manu Sande)
Categoría alevín
Primera A Coruña de fútbol 8, subgrupo 1º, 3ª xornada: ATLÉTICO CORUÑA MONTAÑEROS CF 1 - ALEVÍN A 5 (Thiago López -2-, Alejandro Astray, Hugo Bujía e Hugo Álvarez)
Primera A Coruña de fútbol 8, subgrupo 1º: FABRIL FC ALEVÍN 0 - VICTORIA CF 1
Categoría benxamín
Primera A Coruña de fútbol 8, subgrupo 1º: ATLÉTICO CASTROS 0 - BENXAMÍN A 8 (Martín Coronel -4-, Pablo Couso -2-, César Leira, Leo Galbán e Joel Losada)
Primera A Coruña de fútbol 8, subgrupo 1º: FABRIL FC BENXAMÍN 3 (Nico Mariño, Tomás Sánchez e Hugo Rey) - URAL ESPAÑOL CF 1
