Óscar Gilsanz disporá desde mañá xoves 14 de novembro de 3 sesións de adestramento para preparar o seguinte partido de liga, o UD Almería - Dépor deste domingo 17 de novembro ás 18:30 no UD Almería Stadium, correspondente á 15ª xornada en LaLiga Hypermotion.
Os resultados da última xornada, co triunfo en ABANCA-RIAZOR ante a SD Eibar (1-0), deixaron a Os Nosos en 15ª posición con 16 puntos.
En rolda de prensa, David Mella afirmou respecto ao choque ante o conxunto vasco que "os partidos teñen moitas fases e nós tivemos unha fase moi boa de estar a lles atacar todo o intre. A eles tocoulles na segunda parte, tiveron ocasións claras para meter gol, que para iso están os porteiros, para salvarnos desas. Estabamos a sacar corners e nalgún momento tennos que entrar, e acabar coa xeira de perder e empatar".
En opinión do canteirán, protagonista pola súa renovación até 2029, "estes dous partidos seguidos gañando demostran o traballo que facemos día a día e eu creo que isto vai ir para adiante".
Cada día o cadro reúnese para almorzar a partir das 8:30 xa na instalación antes de saltar ao céspede ás 11:00. O equipo desprázase a Almería nun voo que despega do Aeroporto de A Coruña o sábado 16 ás 17:00.
A planificación semanal, sempre susceptible de sufrir variación por razóns técnicas, é a seguinte:
Xoves 14 de novembro
11:00 h.
Venres 15 de novembro
11:00 h.
Sábado 16 de novembro
11:00 h.
Domingo 17 de novembro
18:30: UD Almería - Deportivo, no UD Almería Stadium
