José Mario Cano López, Cano (Palencia, 21-07-1957), xogador deportivista durante dúas temporadas entre 1983 e 1985, faleceu aos 67 anos.
Cano debutou no RC Deportivo en Segunda División o 3 de setembro de 1983, no encontro Barcelona Atlético-Deportivo, e o seu último partido coa camiseta branquiazul foi na Coruña o 9 de xuño de 1985, nun enfrontamento da Copa da liga contra o Atlético Madrileño.
Durante as súas dúas temporadas no club disputou un total de 75 partidos, 54 na liga de Segunda División, 13 en Copa e 8 en Copa da liga. Marcou cinco goles, todos eles no campionato ligueiro.
Como anécdota, Cano foi un dos xogadores do lembrado encontro de 1983 fronte ao Palencia no que o árbitro Caetano Bueno protagonizou un das arbitraxes máis nefastas da historia do Dépor, coa expulsión da deportivistas Traba, José Luis e Marro en só oito minutos. O Palencia gañou 0-2 en Riazor e nas filas do equipo rival estaba Cano. Ao acabar esa temporada, tanto el como outro xogador daquel Palencia, Joaquín, ficharon polo Dépor.
O RC Deportivo traslada o seu pesar polo falecemento de Cano e envía todo o agarimo do deportivismo á súa familia, amizades e excompañeros. DEP