Completo exame médico para As Nosas no Hospital Quirónsalud A Coruña
As xogadoras do Deportivo Abanca realizaron este mércores un exhaustivo recoñecemento médico no Hospital Quirónsalud A Coruña.
Os exames foron supervisados polo doutor Alejandro Mejuto, responsable do SARF (Servizo de Atención ao Rendemento do Futbolista) do Club e ademais xefe de urxencias do Hospital Quirónsalud A Coruña.
As probas consistiron nunha analítica, electrocardiograma e ecocardiograma, estas dúas últimas realizadas polo doutor José Manuel Vázquez, cardiólogo do citado centro hospitalario.
Este completo exame garante a posta a piques das xogadoras para comezar unha temporada ilusionante, de regreso á Liga F, máxima competición nacional de fútbol feminino.
Desde a campaña 2020-21, o Hospital Quirónsalud A Coruña é hospital de referencia prestando os servizos médicos aos xogadores e xogadoras do club e centro hospitalario do Real Club Deportivo, polo que se encarga de realizar cada ano os recoñecementos médicos dos xogadores e xogadoras en pretemporada, así como de prover aos mesmos de todas as súas necesidades de saúde durante a temporada.