Antonio David Álvarez Rey 'Davo' (Luarca, Asturias, 18 de decembro de 1994) incorpórase ao Dépor de forma definitiva até xuño de 2026.
O polivalente futbolista asturiano, que pode actuar no tres sitúes da fronte de ataque, chegou a ABANCA-RIAZOR o pasado verán de 2023 procedente do KAS Eupen belga, onde militou desde o mes de xaneiro.
Na súa primeira temporada en ABANCA-RIAZOR participou en 36 partidos de liga no grupo 1º de Primera Federación, deles 21 no once inicial; e marcou 7 goles. A maiores xogou 2 partidos en Copa del Rey; e 2 partidos da Final de Campións, 1 deles como titular, nos que anotou 1 gol.
A campaña que marcou a traxectoria de Davo foi a 2019-20 no UP Langreo de Segunda División B. Xogou 27 partidos, 23 deles como titular; e anotou 13 goles.
Estes bos números leváronlle a campaña seguinte, 2020-21, ao UD Ibiza, que con el nas súas filas deu o salto esa mesma temporada á Segunda División. Xogou 25 partidos, 21 deles como titular, e marcou 10 tantos, que o converteron no máximo goleador dun equipo que conseguiu o ascenso á categoría de prata.
Na súa primeira temporada no fútbol profesional, a 2021-22, foi un habitual co equipo ibicenco. Davo participou en 36 partidos, 9 deles de inicio, e anotou 2 goles, contribuíndo a manter ao equipo en Segunda.
O dianteiro luarqués arrincou a temporada 2022-23 no Wisla Płock polaco, onde xogou 18 partidos de liga e 2 de Copa, e marcou 9 goles, antes de recalar en xaneiro no KAS Eupen. Co equipo belga, na Primera División do país, disputou 9 encontros ligueiros.
