Irene Ferreras compareceu este mércores na sala de prensa de Abegondo.
A adestradora branquiazul sostén que "empeza un ciclo novo para nós. Conseguimos un obxectivo moi ansiado a temporada pasada e agora tanto toda a xente que estamos aquí como o Club tentamos dar o seguinte paso no proxecto, que é tratar de asentarnos na máxima categoría".
Confesa que "tiñamos moitas ganas de volver. Foi longo o verán, tamén necesario. Nun comezo sempre se respira ilusión, sempre se respira frescura, a xente vén moi receptiva e imos aproveitar iso".
Coas novas fichaxes, opina que "o obxectivo que se busca é mellorar as prestacións, mellorar as opcións de competir á altura que vai esixir a Liga F. É unha competición que eu xa vivín, pero que ano a ano mellora moito a todos os niveis. E iso esíxenos a todos, ao Club, aos que traballamos no día a día coas mozas e sobre todo ás futbolistas".
Por conseguinte, pide "estar ao nivel do que nos vai a demandar a competición e tomárnolo como un reto, porque para toda persoa que se dedica ao deporte, afrontar un reto así de importante é moi motivador".
Insiste en "traballar para pór as cousas difíciles e para competir ben, para ter un equipo con carácter que se saiba adaptar. Evidentemente vainos a tocar cambiar en adaptarnos ao que nos vai a someter moitas veces o rival porque imos a unha liga con moito talento e con moito nivel, pero eu non podo pensar que o meu equipo vai ser unha Cenicienta. Vou traballar para que o meu equipo compita. O primeiro que lles pedín ás mozas é que traballen e que non teñan complexos porque a primeira forma de chegar a cumprir os teus obxectivos é crer que os vas a facer".
A preparadora deportivista sostén que ao cadro fáltalle "algunha cousiña de última hora. Non creo que tardemos moito en anunciarvos se se dá finalmente, pero de momento os movementos que fixemos vexo gran parte dese cambio". "A partir de aí a traballar, a incorporar as pezas, a que as xogadoras se coñezan", engade.
Explica sobre As Nosas que "tentamos manter a esas xogadoras que achegaron, que teñen capacidade para achegar o que queremos no futuro, que estaban cómodas, que crían nisto que sentían que querían estar aquí. Isto é unha cuestión de querer estar nun sitio e de querer achegar. A partir de aí tivemos que mirar moito o mercado. Kevin (Cabado, responsable do Dépor ABANCA) traballou moitísimo durante estes meses. Sempre fas unha valoración do que podes necesitar. Ás veces sáenche as primeiras opcións. Outras veces saen cousas que se cadra non esperabas, pero que logo es capaz de darlle encaixe. Fixemos unha mestura entre xogadoras que poden ser moi interesantes, que aínda están por descubrir, xogadoras novas que necesitan ter esas primeiras experiencias na liga F pero que estou segura que co tempo van dar moito que falar con esta última remesa de fichaxes con máis experiencia, cunha bagaxe moi interesante que nos van a dar esa faceta de xestión tamén emocional, de vestiario que é tan importante, máis cando se nos presenta unha temporada onde os resultados van ser diferentes. Temos que manter esa estabilidade no día a día, no traballo, no proxecto e esa combinación pódenos axudar, vainos a permitir competir, non teño ningunha dúbida. Para iso estamos nós tamén. Eu teño estas cartas, imos traballar, confío niso. Teño a crenza de que con traballo aos poucos ímolo a sacar adiante. E sen tampouco pornos un obxectivo moi claro a nivel de clasificación, senón simplemente ver cal é a medida do equipo e achegando cada día a estar un pouquiño máis preto do que queremos o día de mañá".
De feito, advirte que "sempre se tivo unha visión de proxecto e de traballo, é dicir, para que isto vaia crecendo de maneira sustentable hai que ir dando pasos. Todo o bo que se fixeron estas últimas dúas temporadas ten que ter cabida nesta terceira, polo menos desde que estou eu aquí. E creo que é o xusto que as xogadoras que demostraron durante estas temporadas o seu crecemento, que pelexaron por unha ilusión e por un soño que tiñan que era de estar en Primera División gañáronse o manterse aquí. Teño moita fe e moita confianza en moitas xogadoras que teño no cadro. Xa para ser unha terceira temporada na que cada ano me teño tamén que esixir para seguir achegándolles. E iso é o máis bonito que eu encontro na miña profesión, ver o desenvolvemento e o crecemento de futbolistas que están contigo no tempo. Meréceno e creo que van ter a capacidade de facelo".
De #ANOSACANTEIRA, lembra Irene Ferreras que "a idea do Club é clara e eu vou con esa idea. Temos que darlle cabida. É certo que o proceso é o que é, que non se poden acelerar as cousas. Agora estase mirando moitísimo a canteira e estase tratando tamén de mellorar as súas condicións de adestramento e de día a día para que cando poidan dar ese salto estean un pouquiño máis preto. Temos que ser coherentes. Imos tentar manter ese groso de xogadoras canteirás que xa estaban connosco en dinámica o ano pasado, porque achegaron moito dentro do seu rol. Temos que investir moito esforzo nelas porque son o futuro. Esa fórmula témola clara. Mentres tanto hai que competir, hai que gañar partidos. Teremos que tirar da xente que si que está preparada no hoxe, pero sen deixar de mirar á súa formación".
Subliña que na Cidade Deportiva "os cambios que se están facendo son moi positivos. É certo que che tes que adaptar a un día a día no que aínda hai cousas que están por definirse, pero a aposta que está a facer o club por mellorar as instalacións, que é o medio principal que necesitamos para traballar ben, é clave. Hai que facelo nalgún momento. Seguramente nunca é o momento indicado, pero nós chegamos o outro día, vimos o novo formato do vestiario. Xa só iso xérache unha ilusión tremenda, tamén a responsabilidade de responder. Cando alguén aposta por ti, inviste, tes que estar á altura. Aquí presumimos dos medios que temos, do soporte que nos ofrece o club, as xogadoras están moi ben coidadas e nós traballamos diariamente para sacar o maior rendemento delas, que é o noso obxectivo".
Na súa terceira temporada á fronte do Dépor ABANCA, confesa manter "a ilusión intacta porque cada día a esixencia é maior. Está a servirme tamén a min para crecer moito como adestradora. Estou moi agradecida ao Club por todo o que estou a vivir aquí e agora o foco ten que estar única e exclusivamente no noso traballo, no día a día, no verde, nos adestramentos, que é un pouco a parte que me toca a min. Estou tranquila, feliz de continuar. Vou achegarlle ao equipo o que necesita. É importante sentir que unha ten capacidade para facer boas cousas. Se non o crese así non estaría aquí".
Sobre a posibilidade de xogar en ABANCA-RIAZOR, a técnico madrileña pensa que "se dixéseche que estou noutra cidade e noutro equipo probablemente tería máis dúbidas, porque sabemos que aínda o fútbol feminino ten que dar moitos pasos. Pero este é un contexto diferente a todo o que che poidas atopar. A Coruña responde, o deportivismo responde. Eu estou encantada con todas as posibilidades que nos deron de vivir cousas súper bonitas durante estas temporadas. Cada vez sorprendéronnos máis e o feito de ir a ABANCA-RIAZOR aquí pode ser un acerto. É á liña á que temos que ir, a crecer, a achegarlle aos equipos femininos dentro dos proxectos que llo poden permitir. Seguimos tendo ese factor diferencial co resto, que é #ANOSAFORZA. Benvidos todos os partidos que sexan en ABANCA-RIAZOR. Se hai que xogar en Abegondo tampouco haberá ningún problema porque aquí estivemos sempre moi ben. Se estamos aquí é porque queremos ser profesionais e temos que ser capaces de render en calquera escenario".
Finalmente, advirte Irene da liga F que "houbo un cambio substancial nas demandas condicionais. Dos últimos anos a agora a futbolista profesionalizouse moitísimo grazas á aposta dos clubs. Cóidase absolutamente cada detalle como ten que ser no fútbol. E o factor condicional é clave porque o fútbol tratamos de polo entre o talento das xogadoras e as ideas dos adestradores. Agora cada vez os equipos están moito máis preparados con estes técnicos, con moitísimos especialistas en cada ámbito. Nós este ano tamén damos un paso adiante en moitas partes do staff que se cadra o ano pasado non tiñamos e que temos que ir puíndo, como nutrición por exemplo, que é moi importante, como o aspecto psicolóxico. Xeramos un corpo de traballo que as vai a axudar a adaptarse a iso. Dentro da competición temos o transatlántico que é o Barça. Logo hai un grupo de equipos que loitan por cousas importantes e a partir de aí todo está moi parello. Temos posibilidades de facer cousas bonitas, de facer un ano que nos permita ter sustentabilidade en Primera División. Imos pór todo o noso traballo e toda a nosa ilusión", concluíu.