O vindeiro mércores 18 de setembro ás 20:00 horas Marineda City acollerá a presentación da nova colección Kappa do Real Club Deportivo para a temporada 2024-2025, cuxos diferentes equipamentos lucirán xogadores e xogadoras de todas as categorías do club, Dépor, Dépor ABANCA, ANOSACANTEIRA e Dépor Genuine.
Nesta cita co Dépor, que terá lugar na praza Emilia Pardo Bazán (planta 0), os afeccionados poderán coñecer en primeira persoa a xogadores tan queridos como David Mella e a últimas fichaxes como Helton Leite, Charlie Patiño, Christian Herrera, Mohamed Bouldini, Omenuke Mfulu, Bárbara Latorre, Oriana Altuve ou Patrícia Hmírová, entre outros. Ademais, os asistentes poderán conseguir premios oficiais como camisetas e balóns asinados, así como abonos para a temporada 2024-2025.
O evento contará cunha actuación especial de freestyle de fútbol a cargo de Vella Escola Cultura Urbana que fará gozar aos amantes do fútbol; e un grupo de nenos e nenas, elixidos por sorteo nas redes sociais do centro comercial, terán a oportunidade de acompañar aos seus ídolos no escenario.
