O Fabril encaixou a primeira derrota (3-0) da pretemporada este mércores no campo da Magdalena de Vilalba ante un rival de superior categoría, o CD Lugo de Primera Federación.
O filial tivo as baixas de Vilela, Mardones e Dylan, lesionados; e de Pablo García, Kevin Sánchez e Rubén López, en Portugal co primeiro equipo.
Os lucenses adiantáronse xa aos 5 minutos e encarrilaron así un esixente test para os pupilos de Óscar Gilsanz, aínda con varios xuvenís nas súas filas.
Fabril: Hugo Ríos, Aarón (Javi, min. 46), Marotías, Nájera (Luisao, min. 46), Alfaro (Jaime Garrido, min. 46), Quique Teijo (Hugo Torres, min. 72), Domínguez (Rubén Fernández, min. 72), Carreira (Noé, min. 46), Íker Vidal (Pablo Parada, min. 72), Guerrero (Álex Pereira, min. 46 e Samu, min. 53) e Manu Ferreiro (Hugo Villaverde, min. 46 e Álex Delgado, min. 72).
A próxima cita para o Fabril nesta pretemporada será este sábado 3 de agosto ás 11:30 en Abegondo ante o Bergantiños CF.
Até a data, os resultados dos amigables do Fabril foron os seguintes:
Fabril 1 (Jaime Garrido) - Silva SD 0
Memorial Lisardo Campos: Atlético Arteixo 0 - Fabril 3 (Noé, Rubén Fernández e Domínguez)
CD Lugo 3 - Fabril 0
