O Dépor, que ten descanso hoxe martes do mesmo xeito que onte luns, realizará mañá mércores 3 de abril o seu primeiro adestramento previo á visita do Unionistas de Salamanca CF a ABANCA-RIAZOR prevista para este domingo 7 de abril ás 17:00 (TVG-2 e FEF TV).
Imanol Idiakez citou aos seus futbolistas ás 8:30 na Cidade Deportiva, como é habitual, para almorzar e saltar ao céspede a partir das 11:00 horas.
Os resultados da última xornada, co triunfo na Cidade Deportiva Dani Jarque ante a UE Cornellà (0-1), deixaron a Os Nosos no liderado do grupo 1º de Primera Federación con 58 puntos por 57 do FC Barcelona Atlétic, 2º clasificado. Por detrás veñen Nástic de Tarragona (54 puntos), RC Celta Fortuna (51 puntos) e SD Ponferradina (50 puntos).
Ademais do de mañá mércores, o corpo técnico deportivista preparará o partido ante os salmantinos con outros 3 adestramentos máis en Abegondo, de acordo á seguinte planificación, sempre susceptible de sufrir variación por razóns técnicas:
Mércores 3 de abril
11:00 h.
Xoves 4 de abril
11:00 h.
Venres 5 de abril
11:00 h.
Sábado 6 de abril
11:00 h.
Domingo 7 de abril
17:00: Deportivo - Unionistas de Salamanca CF, en ABANCA-RIAZOR