O prazo para que as persoas abonadas da pasada temporada poidan manter o seu asento conclúe este domingo 28 de xullo ás 23:59 (exclusivamente online).
A partir do luns 29 de xullo todas as localidades que non fosen renovadas serán liberadas para que os socios e socias poidan cambiar a súa localización ou asignar un novo asento. Os días de cambio de localidade e modalidade (de abono simpatizante a abono con localidade) serán do 30 de xullo ao 8 de agosto, exclusivamente para socios e socias da temporada pasada.
Debido ao alto volume de solicitudes de cambio de localidade ou modalidade, polo cal actualmente se atopan esgotadas todas as citas dispoñibles para este fin, o Club habilita un portelo na Oficina de Atención ao Deportivismo (OAD) do Estadio ABANCA-RIAZOR (avenida da Habana s/n) para realizar cambios de forma presencial sen cita previa os días 5, 6, 7 e 8 de agosto, no seguinte horario: de 10.00 a 13.30 horas e de 16.30 a 19.00 horas.
A renovación de abonos é na páxina https://xerion.rcdeportivo.es/operativa/renovacion as 24 horas do día. Presencialmente atenderase na OAD a aquelas persoas abonadas que non puideron realizar o trámite de maneira online ou por transferencia por algunha causa de forza maior.
O Club suma agora mesmo 22.988 socios, con 5.128 persoas que incluíron no seu abono os partidos do Dépor ABANCA; e 4.703, os partidos do HC Liceo.
Clica aquí para ver toda a información sobre a campaña de abonos 2024/25