O Dépor realizou esta mañá en Abegondo o último adestramento correspondente á primeira semana de pretemporada.
Así pois, o cadro gozará do seu primeiro día de descanso desde que o pasado luns 8 de xullo arrincarán as probas médicas e físicas entre a Cidade Deportiva e o Hospital Quirónsalud A Coruña como paso previo a arrincar o traballo no céspede o mércores 10.
Imanol Idiakez dispuxo hoxe un xogo, rondos e un partido para concluír.
A novidade do día foi a presenza de Luis Chacón, fichado onte polo Dépor até xuño de 2028. O novo atacante deportivista foi recibido no campo polos seus novos compañeiros cun cariñoso corredor de labazadas antes de completar os seus exames médicos e físicos e comezar a adestrarse co grupo xa a próxima semana.
Están con adestramento personalizado Jose Ángel e Raúl Alcaina. Así mesmo, Hugo Ríos, Álex Alfaro, Rubén López, Nájera, Diego Gómez, Pablo García e Kevin Sánchez foron os representantes de ANOSACANTEIRA.
Os Nosos regresan ao traballo o luns 15 ás 10:30 con almorzo a partir das 8:30 e comida posterior tamén na instalación.
